Իրաքի եւ Իրաքի Քուրդիստանի հակամարտությունում ԱՄՆ-ն մտադիր չէ որեւէ կողմին սատարել:
Այս մասին հայտարարել է ԱՄՆ նախագահ Դոնալդ Թրամփը՝ իր հիասթափությունը հայտնելով տարածաշրջանի ներկա իրադարձություններից, հաղորդում է Reuters-ը:
«Մեզ դուր չեն գալիս բախումները: Մենք ոչ մեկի կողմը չենք անցնում: Երկար տարիներ մենք լավ հարաբերություններ ենք ունեցել քրդերի եւ Իրաքի հետ: Մենք Իրաքի կողմն ենք եղել, չնայած երբեք պետք է այնտեղ չլինեինք: Այս մենամարտում սակայն մենք ոչ մեկի կողմը չենք անցնում»: