ԱՄՆ նախագահ Դոնալդ Թրամփը հայտարարել է, որ ցանկանում է նախագահական ընտրություններին Ռուսաստանի միջամտության վերաբերյալ հետաքննությունն ավարտվի: Նրա խոսքով՝ ամերիկյան հասարակությունը «մինչեւ կոկորդը կուշտ է» այս թեմայից:
«Նրանք պետք է ավարտեն, քանի որ ամերիկացիները մինչեւ կոկորդը կուշտ են», -ասել է նա՝ պատասխանելով Թրամփի նախընտրական արշավի անդամների եւ ռուս գործակալների կապի վերաբերյալ հետաքննության ընթացքի մասին հարցին: Նա նշել է, որ ոչ մի դավադրություն չի եղել եւ հետաքննությունը ոչինչ չի ապացուցել: Նա մեղադրել է դեմոկրատներին, որ նրանք այս հետաքննությունն օգտագործում են ընտրություներում իրենց պարտությունն արդարացնելու համար:
