Ուկրաինայի Գերագույն ռադայի շենքը կրկնակի շրջափակել են, Facebook-ում հայտնել է պատգամավոր Մուսթաֆա Նայեմը:
«Բարի առավոտ: Ամբողջ թաղամասը վահաններով է շրջափակված: Սահմանադրության հրապարակ կարող եք մուտք գործել միայն շրջանակների միջով: Խորհրդարանի շենքը շրջափակել են ազգային գվարդիայի եւ ոստիկանության կրկնակի շղթայով»,- հայտնել է Նայեմը:
Հոկտեմբերի 17-ին Կիեւում պետք է կայանա Վրաստանի նախկին նախագահ եւ Օդեսայի նախկին նահանգապետ Միխայիլ Սաակաշվիլիի հանրահավաքը, որի ժամանակ նա ծրագրել է հասնել Ուկրաինայի նախագահ Պյոտր Պորոշենկոյի իմփիչմենթին:
