News
Լրահոս
News
Չորեքշաբթի
Նոյեմբեր 14
Տեսնել լրահոսը


Ատոմակայանը չի փակվի, այլ կփոխարինվի ավելի փոքր հզորությամբ ատոմակայանով։ Այս մասին այսօր՝ հոկտեմբերի 17-ին,  լրագրողների հետ զրույցում նշել է ՀՀ արդարադատության նախարար Դավիթ Հարությունյանը։

Այդուհանդերձ, նախարարը չբացառեց, որ իշխանությունները կարող են հրաժարվել նոր ատոմակայանի կառուցուման գաղափարից:

Հարցին՝ արդյոք կառավարությունը մտադիր է հրաժարվե՞լ նոր ատոմակայանի կառուցման մտադրությունից, Դավիթ Հարությունյանը պատասխանեց. «Մենք նոր ատոմակայան կունենանք, եթե այն գնային առումով, սակագնային առումով լինի արդյունավետ: Մի պահ պատկերացրեք, որ վաղը պարզվի, որ ժամանակակից տեխնոլոգիաները հնարավորություն են ընձեռում ստանալ նույն քանակի էներգիա, սակայն առանց ատոմակայանի, և ատոմակայանի պարագայում, որն այդ պահին առկա է շուկայում, մեր էներգիան շատ ավելի թանկ կլինի սպառողների համար: Որ՞ ճանապարհով մենք պետք է գնանք: Անշուշտ՝ ժամանակակից տեխնոլոգիաների»:

Ճշտող դիտարկմանը, թե կառավարությունը, փաստորեն, չի բացառում, որ Հայաստանը կարող է հրաժավել նոր ԱԷԿ-ի կառուցման գաղափարից, Հարությունյանն արձագանքեց. «Ճիշտ եք հասկանում իմ դիրքորոշումը և կառավարության դիրքորոշումը, որ մենք յուրաքանչյուր անգամ գնահատելու և որոշելու ենք, հաշվի առնելով գիտության զարգացման, էներգակիրների գների, այլ տենդենցները, թե տվյալ իրավիճակում որ մոդելն է առավելագույն արդյունավետ լինելու Հայաստանի սպառողի համար»:

Նախարարի խոսքով, նոր տեխնոլոգիաները հնարավորություն են տալիս ատոմակայանը աշխատեցնել 50 մեգավատանոց բլոկներով, ինչն նոր հնարավորություն է, որի շնորհիվ Հայաստանը կարող է գնալ նոր ճանապարհով։

«Այսօր կառավարությունը անընդհատ կատարում է վերանայում եւ կախված այն բանից, թե որ ճանապարհն է արդյունավետ եւ  ըստ այդմ կայացվում է համապատասխան որոշում»,-նշեց նախարարը:

Դավիթ Հարությունյանը համոզմունք հայտնեց, որ երկիրը գնում է էներգետիկ զարգացման ուղիով եւ այդ ճանապարհին հաշվի են առնվում էներգակիրների շուկայում առկա իրավիճակը,գները, սպառումն ու  ժամանակակից տեխնոլոգիաները՝ բացառելով ոչ թափանցիկ քաղաաքական գործընթացները։

Նախարարի կարծիքով էներգետիկ ոլորտում անկախությանը խանգարում է հումքի արտադրության ոլորտում առկա կախվածությունը։

Նշենք, որ Հայաստանի ու Եվրամիության միջև նախաստորագրված համապարփակ և ընդլայնված գործընկերության համաձայնագրում, որի տեքստը հրապարակվեց օրերս, առանց հստակ ժամկետների սահմանման, նշված է, որ անհրաժեշտ է փակել դեռ 1976 թվականին շահագործման հանձնված Մեծամորի ատոմակայանը, այն փոխարինելով նոր հզորություններով:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Միլլեր․ «Հյուսիսային հոսք-2» գազատարը մինչեւ վերջ կկառուցվի
200 կմ արդեն կառուցել ենք, մնացածն էլ կկառուցենք․․․
Հայաստանում էկո-թրենդը զարգանալու բոլոր նախադրյալներն ունի. SHTIGEN ընկերության տնօրեն
Հայաստանում հելիոտեխնոլոգիայի կայուն զարգացման համար բավական չէ պարզապես դրամաշնորհ ստանալ, անհրաժեշտ է, որպեսզի դրանք շահութաբեր լինեն...
Հայաստանը հնարավորություններ կստեղծի վերականգնվող էներգետիկայի ոլորտում օտարերկրյա ներդրումների ներգրավման համար
Վերջին տարիներին արեւային լուսավոլտային տեխնոլոգիաների գները զգալիորեն նվազել են, ինչի շնորհիվ արդյունաբերական նշանակության նման...
Էներգետիկ հանգույցի կարգավիճակը Հայաստանի համար լայն ներդրումային հնարավորություններ կստեղծի. Բաղրամյան
«Միջազգային ֆինանսական կազմակերպությունների օժանդակությամբ համակարգային նշանակության բարձր լարման էլեկտրակայանները գրեթե...
Ներդրողները մեծ հետաքրքրություն են ցուցաբերում վերականգնվող էներգետիկայի ոլորտում նախագծերի նկատմամբ. Գ. Բաղրամյան
Նա նաեւ տեղեկացրել է, որ «Էներգետիկայի շաբաթ 2018»–ի շրջանակներում նախատեսված է այց այն տարածքներ, որտեղ նախատեսված է արեւային կայանների կառուցումը վերոհիշյալ 5 նախագծերով...
EBRD-ն հետաքրքրված է Հայաստանի վերականգնվող էներգետիկայի հատվածում նոր նախագծերով
Հայաստանի հետ EBRD-ի համագործակցության առանցքներից մեկն է էներգետիկ հատվածը…
Partner news