«Ծառուկյան» խմբակցության, պատգամավոր, եվրոպական ինտեգրման հարցերի հանձնաժողովի ղեկավար Նաիրա Զահրաբյանը Հայաստան-ԵՄ նոր համաձայնագիրը չստորագրելու ոչ մի հիմք չի տեսնում: Այս մասին նա վստահեցրեց NEWS.am-ի հետ զրույցում:
«Ստրասբուրգում հանդիպել եմ եվրոպացի իմ գործընկերներին, որոնք զբաղվում են նաեւ այս համաձայնագրով, անձամբ որեւէ պատճառ չեմ տեսնում, որ նոյեմբերի 24-ին Արեւեկյան գործընկերության հերթական գագաթաժողովին այն չստորագրվի: Տեսականորեն ամեն ինչ հնարավոր է, բայց ոչ եվրոպական, ոչ հայկական կողմից որեւէ մեսիջի չեմ տիրապետում, որ ենթադրեի, թե համաձայնագրի ստորագրումը վտանգված է»,-ասաց պատգամավորը:
Վերջինիս խոսքով, հրապարակված համաձայնագրի նախագծում չկա որեւէ վտանգավոր դրույթ կամ ձեւակերպում, ինչը դառնա ստորգրման տապալման պատճառ: