Որդու հագուստը լվանալու հարցի շուրջ ծագած վիճաբանության ժամանակ կնոջը ծեծելու մեջ մեղադրվող տղամարդը հաշտվել է կնոջ հետ:
Ըստ մեղադրանքի՝ Արմենը հուլիսի 17-ին վաղ առավոտյան մանկահասակ որդու հագուստը քրոջ կողմից լվանալու առաջարկի շուրջ վիճել է կնոջ հետ: Վիճաբանության ժամանակ Արմենը 6-8 անգամ ձեռքով հարվածել է կնոջ գլխին, քաշել աջ բազկից և մազերից:
Լոռու մարզի ընդհանուր իրավասության դատարանն օրերս որոշում է կայացրել ամբաստանյալի նկատմամբ Քրեական օրենսգրքի 118-րդ հոդվածով քրեական գործի վարույթը կարճել և քրեական հետապնդումը դադարեցնել` տուժողի եւ ամբաստանյալի հաշտության հիմքով: