Մոլդովայի նախագահ Իգոր Դոդոնը կարող է պաշտոնանկ արվել նախարարների թեկնածուների վերաբերյալ կառավարության հետ կոնֆլիկտի պատճառով: Այս մասին հաղորդում է ՏԱՍՍ-ը՝ վկայակոչելով հոկտեմբերի 17-ին հրապարակված հանրապետության Սահմանադրական դատարանի որոշումը:
«Նախարարների վերադասավորման համար պատասխանատու է կառավարությունը եւ այն ինքնուրույն է ընդունում համապատասխան որոշումները, իսկ նախագահի հավանությունը՝ ֆորմալ գործողություն է: Սահմանադրական պարտականություններից հրաժարվելը վկայում է նախագահի պարտավորությունների կատարման ժամանակավոր անհնարինության մասին եւ արդարացնում է նախագահի պարտականությունները վարչապետի կամ խորհրդարանի նախագահի կողմից կատարելու մասին հայտարարությունը», - ՍԴ որոշումը հնչեցրել է նախագահ Թուդոր Պանցիրուն: