Microsoft ինովացիոն կենտրոնը Գյումրիում անվճար դասընթացներ է սկսել: Այս մասին NEWS.am-ի թղթակցին հայտնել է կենտրոնի տնօրեն Արտաշես Վարդանյանը:
Ծրագրավորման արագացված դասընթացները(digital bootcamp) Microsoft-ը Երեւանում իրականացնում է վճարովի, ընդ որում ընտրությամբ: Իսկ Գյումրիում մասնակիցների ընտրությունը խիստ չի անցկացվել եւ ուսուցման համար վճար չեն վերցնում:
Առաջին՝ ուսուցողական փուլ 60-65 մարդ է անցել: Նրանք պրակտիկա կանցնեն տեղական 13 ՏՏ ընկերություններում: Վերջնական փուլն այդ ընկերություններում հարցազրույցներ անցնելն է:
«2018 թ. վերջում մենք հավաքելու ենք 200 մարդ, եւ ակնկալում ենք, որ դրանցից առնվազն 2/3-ին հարցազրույցի համար նախապատրաստենք:
Առաջիկա 10-12 ամիսներին Գյումրիում ծրագրավորողների համար պետք է առնվազն 30-50 աշխատատեղ բացվի: Ընկերություններից մեկում վերջերս ասացին՝ մենք հենց հիմա ուզում ենք 5 հոգի ընդունել, բայց Գյումրիում նրանց չենք կարողանում գտնել », - ավելացրել է Վարդանյանը: