Պորտուգալիայի կենտրոնական եւ հյուսիսային մասերում ու Իսպանիայի Հյուսիս–արեւմուտքում մոլեգնած անտառային հրդեհներից զոհվել է առնվազն 45 մարդ։ Այս մասին հայտնում է TSF պորտուգալական ռադիոկայանը։
Բացի այդ, 71 մարդ վիրավորվել է Պորտուգալիայում։ Անհետ կորած համարվող 7 մարդուց 6-ին հաջողվել է փրկել։
Պորտուգալիայում անտառային հրդեհների մակերեսը 4 օրում հասել է 240 հազար հեկտարի։ Երկրում հրդեհի զոհերի համար եռօրյա սուգ է հայտարարվել։ Գալիսիայում անտառային հրդեհներից զոհվել է 4 մարդ։
Euronews–ի փոխանցմամբ՝ երեքշաբթի անձրեւներ են տեղացել, ինչի շնորհիվ հաջողվել է տեղայնացնել անտառային հրդեհները։