Իսպանիայի վարչապետ Մարիանո Ռախոյը Կատալոնիայի առաջնորդ Կարլես Պուչդեմոնտին խելամիտ գործելու կոչ է արել: «Ես Պուչդեմոնտին խնդրում եմ խելամիտ եւ հավասարակշռված գործել՝ հաշվի առնելով բոլոր քաղաքացիների շահերը»,- նշել է նա, փոխանցում է Reuters-ը:
Նշենք, որ վաղը՝ հոկտեմբերի 19-ին, լրանում է ժամկետը, որը Մադրիդը Կատալոնիային էր տրամադրել անկախությունից հրաժարվելու համար: Եթե Կատալոնիայի առաջնորդը հրաժարվի այս մասին հայտարարել կամ հայտարարի անկախության մասին, Մադրիդը մտադիր է քննարկել խիստ միջոցառումների հնարավորությունը, որոնց թվում՝ Կատալոնիայի ուղղակի կառավարման հաստատումը:
