News
Լրահոս
News
Ուրբաթ
Մարտ 29
Տեսնել լրահոսը

ԵԱՀԿ Մինսկի խումբը ղարաբաղյան հակամարտության կարգավորման ո՛չ մեխանիզմներ ունի, ո՛չ հնարավորություններ: Հոկտեմբերի 18-ին լրագրողների հետ հանդիպման ժամանակ այսպիսի կարծիք հայտնեց The Armenian Interest կենտրոնի ղեկավար Արեգ Գալստյանը:

Նրա խոսքով՝ դա մի քանի պատճառ ունի: «Մինսկի խումբը կազմակերպություն է, որը ստեղծվել է միջազգային հարաբերություններում երկբեւեռ համակարգի ժամանակահատվածում, երբ գոյություն ունեին միջազգային որոշակի կանոններ, եւ երբ պետությունները նման կազմակերպություններին լուրջ մեխանիզմներով էին օժտում, որոնք թույլ էին տալիս կարգավորել այս կամ այն հակամարտությունը»,- պարզաբանեց Գալստյանը՝ հավելելով, որ այսօր ԵԱՀԿ Մինսկի խումբը երկբեւեռ համակարգի մնացուկն է, եւ որ ժամանակակից հանրությունը միաբեւեռ համակարգում է ապրում:

Փորձագետը նշեց, որ նաեւ այս համակարգն է դժվար այդպիսին անվանել, քանի որ ԽՍՀՄ փլուզումից հետո անհասկանալի է, թե միջազգային խաղի կանոններն ինչպիսին են:

«Համապատասխանաբար, նման կազմակերպությունները չունեն լուրջ մեխանիզմներ, որոնք կարող են այս կամ այն կողմին ստիպել որեւէ առաջարկ ընդունել»,- շեշտեց The Armenian Interest կենտրոնի ղեկավարը՝ հավելելով, որ ղարաբաղյան հիմնախնդրում ԵԱՀԿ Մինսկի խումբն ավելի շատ կատարում է միջազգային ամբիոնի դեր, որի միջոցով հայկական եւ ադրբեջանական կողմերը որոշակի դիվանագիտական բանակցություններ են վարում:

Գալստյանի կարծիքով՝ սա թույլ է տալիս ստատուս քվոն պահպանել, քանի որ խոշորամասշտաբ ռազմական գործողություններ սկսվելը ոչ մեկին ձեռնտու չէ, այդ թվում՝ արտաքին քաղաքական առանցքային խաղացողներին:

Այս պատճառով, ինչպես նշեց փորձագետը, չարժի այս հարցում ԵԱՀԿ Մինսկի խմբի համանախագահների կողմից ինչ-որ համակարգային լուրջ բեկում ակնկալել:

Միաժամանակ, Գալստյանը կարծում է, որ չնայած տարբեր տեսություններին եւ վարկածներին, գլխավոր գործոն են համարվում հայկական եւ ադրբեջանական կողմերը:

«Քանի դեռ կողմերը առավելագույն նշաձողի վրա են կանգնած, ոչ մեկը ոչինչ անել չի կարող: Այսինքն՝ ո՛չ ԵԱՀԿ Մինսկի խումբը, ո՛չ ԱՄՆ-ն, ո՛չ Ռուսաստանը, ո՛չ Ֆրանսիան չեն կարող ուղղակի վերցնել եւ Երեւանին կամ Բաքվին ստիպել ընդունել առաջարկների որեւէ կոնկրետ փաթեթ, եթե կողմերն իրենք դա չցանկանան»,- եզրափակեց փորձագետը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մենք աջակցում ենք Ադրբեջանին՝ վերադառնալ ցանկացող էթնիկ հայերի ինտեգրումն ապահովելու հարցում. Դոքերտի
Ուժի կիրառումը համայնքների միջև լարվածությունը կարգավորելու ընդունելի միջոց չէ...
Արմեն Գրիգորյանն ընդունել է Լուի Բոնոյին. քննարկել են հայ-ամերիկյան գործընկերությանը վերաբերող մի շարք հարցեր
Զրուցակիցները մտքեր են փոխանակել հայ-ադրբեջանական հարաբերությունների կարգավորման բանակցային ընթացքի շուրջ…
Ադրբեջանի արտաքին գործերի նախարարը հանդիպել է ԵԱՀԿ գլխավոր քարտուղարի հետ. նա մեղադրել է Հայաստանին
Հայաստանը մեղադրվել է սադրիչ հայտարարությունների մեջ...
Ազատությունից զրկված կանանց վերարտադրողական իրավունքի վերաբերյալ ուսումնասիրությունները մեր երկրում շատ քիչ են․ ՄԻՊ
Բացման խոսքով են հանդես եկել ՀՀ մարդու իրավունքների պաշտպան Անահիտ…
Ոստիկանությունն իրավապահ համակարգում ամենաբարձր վստահություն վայելող կառույցն է. հրապարակվել են հարցման արդյունքները
Միջոցառմանը ներկա էին ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, ՆԳ նախարարի…
Իլհամ Ալիևը ԵԱՀԿ գործող նախագահից պահանջել է վերացնել Մինսկի խումբը
Ասել է, թե «ղարաբաղյան հակամարտությունն արդեն կարգավորված է»․․․
Ամենաշատ