Հայաստանի արդյունաբերական աճի մեջ գերիշխում է պատրաստի արտադրանքը։ Այս մասին հոկտեմբերի 18-ին՝ մամուլի ասուլիսի ժամանակ, ասել է տնտեսական զարգացման եւ ներդրումների նախարար Սուրեն Կարայանը։

2017-ի հունվար–օգոստոս ժամանակահատվածում արդյունաբերական արտադրանքի աճը կազմում էր 12.4 տոկոս։ Ընդ որում, աճի 82 տոկոսը բաժին էր ընկնում վերամշակող արդյունաբերությանը։

Մասնավորապես՝ 35 տոկոսով աճել է ալկոհոլային արտադրանքի արդյունաբերություն, 47 տոկոսով՝ տեքստիլ արտադրանքը, 24 տոկոսով՝ պատրաստի  հագուստի, 18 տոկոսով դեղագործական, 40 տոկոսով՝ ոսկերչական իրերի արտադրանքը։ 2017-ի առաջին կիսամյակում  մոտ 20 տոկոսով աճել է մեկ աշխատակցի հաշվարկով բաժին ընկնող արդյունաբերությունը։