Հինգերորդ «Տարվա հանրային ծառայող եւ տարվա ապրանքանիշ 2017» ազգային մրցանակաբաշխություն շրջանակում Beeline-ը Հայաստանում արժանացել է «Լավագույն գին առաջարկող կապի օպերատոր» մրցանակին։
Պատվավոր մրցանակը տրվում է «Համազգային վստահություն» խորհրդի կողմից՝ ֆիքսված, բջջային ու ինտերնետ կապի ոլորտում լավագույն գնով ծառայություններ առաջարկելու եւ սպասարկման որակի համար: Մրցանակաբաշխության հանդիսավոր արարողությունը տեղի ունեցավ Ա. Սպենդիարյանի անվան Օպերայի եւ բալետի ազգային ակադեմիական թատրոնում։
«Տեղեկատվական եւ հաղորդակցական տեխնոլոգիաների արագընթաց զարգացման այս ժամանակաշրջանում առաջնային է սպառողին կապի հարմար գին առաջարկելը: Մեզ համար հաճելի է տեսնել, որ կազմակերպությունը յուրաքանչուր տարի գերազանցում է իր նախորդ տարվա առաջարկները: «ՎԵՈՆ Արմենիա» ՓԲԸ-ն ՝ որպես «Լավագույն գին առաջարկող կապի օպերատոր», այս տարի եւս գոհացրել է սպառողին, ինչի կապակցությամբ շնորհավորում եմ ողջ աշխատակազմին եւ գլխավոր տնօրեն Անդրեյ Պյատախինին», - նշեց «Համազգային վստահություն» խորհրդի նախագահ Աստղիկ Խաչատրյանը:
«Շատ հաճելի է նման մրցանակներ ստանալը․ սա լավագույն ապացույցն է նրա, որ մեր ջանքերը գնահատվում են եւ մեր աշխատանքը գոհացնում է հանրությանը։ Դա ամենալավ շարժառիթն է առաջ գնալու եւ զարգանալու, ինչը եւ մենք մտադիր ենք անել։ Մենք շատ շնորհակալ ենք բարձր գնահատականի համար եւ գիտակցում ենք, թե որքան է այն պարտավորեցնող։ Beeline-ի համար իսկապես սկզբունքային է, որպեսզի իր ծառայությունները պարզ, հարմար եւ մատչելի լինեն բոլոր հաճախորդների համար», - նշեց Հայաստանում Beeline-ի Կոմերցիոն տնօրեն Հայկ Կարապետյանն իր շնորհակալական խոսքում։
Հիշեցնենք, որ նույն անվանակարգում Beeline-ը մրցանակ էր ստացել նաեւ 2015 թ․։ 2014 թ. «Տարվա լավագույն հանրային ծառայող եւ տարվա լավագույն ապրանքանիշ» չորրորդ ամենամյա ազգային մրցանակաբաշխության շրջանակում Beeline-ն արժանացել էր «Հեռահաղորդակցության առաջատար օպերատոր» կոչմանը: Նույն տարում ամենամյա դիվանագիտական եւ բիզնես համաժողովին Beeline-ը ճանաչվել էր լավագույնը երկու անվանակարգերում՝ «Կապի ոլորտի առաջատար» եւ «Օտարերկրյա ներդրող»:
