Շաքարավազ, բանան, կարագ ներմուծողների թիվն աճել է: Այս մասին այսօր՝ հոկտեմբերի 18-ին, ԱԺ տնտեսական հարցերի հանձնաժողովում հայտարարել է ՀՀ տնտեսական մրցակցության պաշտպանության պետական հանձնաժողովի Արտակ Շաբոյանը:
«Մեր ուսումնասիրության արդյունքներով շաքարավաղի ներմուծումը իրականացնում է 48 տնտեսվարող, բանանի ներմուծումը՝ 40, կարագի շուկայում՝ 45 տնտեսվարող: Այս երեք շուկաներում կան գերիշխող դիրք ունեցող ընկերություններ, բայց երբ համեմատում ենք նախորդ տարիների հետ, նոր ընկերություններ են ավելացել»,-ասել է Արտակ Շաբոյանը:
Նա վստահեցրեց, որ մուտքի խոչընդոտներ չկան, ցանկացած տնտեսվարող կարող է այս շուկայում ազատորեն բիզնեսով զբաղվել: