Բրիտանիան մտադիր է առավելագույն օգտակար գործարք ստանալ ԵՄ կազմից դուրս գալու կապակցությամբ, սակայն կառավարությունը պատրաստվում է բոլոր սցենարներին։ Այս մասին ասել է Մեծ Բրիտանիայի վարչապետ Թերեզա Մեյը, փոխանցում է Reuters–ը։
Պատասխանելով հարցին, թե կառավարությունը պլաններ ունի արդյոք այն դեպքի համար, եթե չհաջողվի համաձայնության հասնել ԵՄ–ի հետ, ինչը Մեծ Բրիտանիային տնտեսական անորոշության մեջ կդնի, Մեյը ասել է, որ անպատասխանատվություն կլիներ չպատրաստվել նման սցենարի։ «Մենք զբաղվում ենք դրանով»,– ասել է նա։
