Կատալոնիայի ԱԳ նախարար Ռաուլ Ռոմեւան բացառել է անկախության նոր հանրաքվեի անցկացման հնարավորությունը, փոխանցում է AP–ը։
Նա նշել է, որ հոկտեմբերի 1-ին Կատալոնիայի անկախության հանրաքվեն տարածաշրջանի ղեկավարությանը մանդատ է տվել Իսպանիայից անկախացման համար։ Նրա խոսքով՝ նոր հանրաքվեն տարբերակ չէ։
Իսպանիան Կատալոնիայի նախագահ Կառլես Պուչդեմոնին մինչեւ հոկտեմբերի 19-ը ժամանակ է տվել, որպեսզի հստակեցնի, թե Կատալոնիան անկախություն հռչակել է, թե ոչ։