Շենքը, որտեղ տեղի է ունենալու Եվրամիության պետությունների եւ կառավարությունների ղեկավարների գագաթաժողովը, տարհանվել է խոհանոցում օդափոխման համակարգի տեխնիկական խնդիրների պատճառով, հաղորդում է DW-ն:
Սա արդեն շաբաթվա ընթացքում երկրորդ դեպքն է:
Եվրամիության գագաթաժողովի նախօրեին Բրյուսելում Եվրամիության շտաբի շենքի տարհանում է իրականացվել: Հոկտեմբերի 18-ին Եվրոպական խորհրդի գրասենյակը հայտնել է, որ տարհանման պատճառը վնասակար գազերի արտաազատումն է եղել, ինչը աշխատողների մոտ ցավեր է առաջացրել:
Եվրամիության կենտրոնական գրասենյակում հոկտեմբերի 19-20-ը տեղի կունենա ԵՄ գագաթաժողովը, որը կհամախմբի համայնքի պետությունների եւ կառավարությունների ղեկավարներին: Սակայն, ինչպես նշվել են Եվրախորհրդի գրասենյակում, միջադեպը չի ազդի գագաթաժողովի անցկացման վրա:
Անհրաժեշտության դեպքում եվրոպական առաջնորդներին սպասարկելու համար հարեւան շենքում գտնվող խոհանոցը կարող է օգտագործվել: «Որոշումն ընդունվելու է երեկոյան», - նշել են Եվրախորհրդի գրասենյակից: