Քսենիա Սոբչակը ՌԴ նախագահ Վլադիմիր Պուտինի հետ նախագահի պաշտոնում իր առաջադրվելու հնարավորության վերաբերյալ խորհրդակցություններ չի անցկացրել: Այս մասին հայտարարել է պետության ղեկավարի մամուլի քարտուղար Դմիտրի Պեսկովը, հաղորդում է ՏԱՍՍ-ը:
«Ոչ Պուտինի, ոչ էլ նախագահի աշխատակազմի հետ Քսենիան այդ որոշումը չի համաձայնեցրել», - ասել է նա:
«Դոժդ» հեռուստաալիքի եթերում Սոբչակը պատմել է, որ վերջերս հանդիպել է Պուտինի հետ, երբ իր հոր՝ Անատոլի Սոբչակի մասին ֆիլմի համար նախագահի հետ հարցազրույց է ունեցել:
Նա նշել է, որ այդ ժամանակ արդեն ընդունել է նախագահի պաշտոնում առաջադրվելու մասին որոշումը, ինչի մասին տեղեկացրել է Պուտինին:
Սոբչակի խոսքով՝ Պուտինն ասել է, որ յուրաքանչյուրն իրավունք ունի որոշումներ ընդունել եւ դրանց ահմար պատասխանատվություն կրել:
Պատասոխանելով նույն հյեռուստաալիքի հարցին՝ Պեսկովը հոկտեմբերի 18-ին նշել է, որ Սոբչակը հաջողության հասնելու հնարավորություն կունենա, եթե իր աշխատանքում հենվի մարդկանց կամքի արտահայտման վրա: