Չնայած ԱՄՆ-ի եւ Ռուսաստանի միջեւ լարված հարաբերություններին՝ Ղարաբաղյան հակամարտությունն այն ոլորտներից մեկն է, որտեղ մենք սերտորեն համագործակցել ենք Մոսկվայի հետ: Այս մասին հայտարարել է ԵԱՀԿ Մինսկի խմբի նախկին համանախագահ Ջեյմս Ուորլիքը ԱՄՆ-ում Հելսինկյան հանձնաժողովի կողմից կազմակերպված ճեպազրույցում:
«Ես կասեի, որ դա այն հարցերից մեկն է, որտեղ մենք իսկապես համագործակցում ենք», - ասել է Ուորլիքը` հավելելով, որ Ռուսաստանը հավատարիմ է Ղարաբաղյան հակամարտության խաղաղ կարգավորմանը:
Նրա կարծիքը կիսել է նախկին համանախագահ Քերի Կավանոն, ով նշել է, որ Ռուսաստանն այս գործընթացում ամեն ջանք գործադրել եւ ամեն ինչ արել է:
«Ռուսաստանը կենտրոնական խաղացող էր 2016 թ. ապրիլին: Ես կասկածում եմ, որ Ռուսաստանը միշտ էլ կենտրոնական խաղացող է լինելու», - ասել է դիվանագետը:
Սակայն, Կավանոն համոզված է, որ Ռուսաստանը չի կարող ինքնուրույն լուծել խնդիրը, եւ, իհարկե, Մոսկվան շահագրգռված չէ հետագա էսկալացիայով:
Ինչ վերաբերում է այդ գործընթացին ԱՄՆ-ի մասնակցությանը, Ջեյմս Ուորլիքը հիշատակել է այդ գործընթացում նախկին պետքարտուղար Ջոն Քերիի անձնական ներգրավվածությունը:
«Այս վարչակազմն ունի նոր համանախագահ: Հուսով եմ, որ այն ներգրավված կլինի հակամարտության լուծմանը», - ավելացրել է նա:
