Սիրիայի ճգնաժամի կարգավորման բանակցությունների 7-րդ ռաունդը Աստանայում կանցկացվի հոկտեմբերի 30-31-ը, հայտնում են Ղազախստանի ԱԳ նախարարությունից:
Բանակցությունների ժամանակ նախատեսվում է հաստատել պատանդներին, բանտարկյալներին ազատելու, զոհվածների մարմինները հանձնելու եւ անհետ կորածներին որոնելու աշխատանքային խմբի մասին դրույթը: Կողմերը մտադիր են նաեւ քննարկել միջազգային ահաբեկչության դեմ պայքարի հարցերը եւ Սիրիայում հումանիտար ականազերծման մասին համատեղ հայտարարություն ընդունել:
Չի բացառվում նաեւ «փոխադարձ հետաքրքրություն» ներկայացնող այլ հարցերի քննարկումը: