Հայաստանի ԱԻՆ-ում, այսօր՝ հոկտեմբերի 19-ին, ժամը 00:28-ին ահազանգ է ստացվել, որ Երեւան քաղաքի Մամիկոնյանց-Տիգրանյան փողոցների խաչմերուկում տեղի է ունեցել ավտոպատահար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են տաքսի ծառայություն մատուցող «Chariot» մակնիշի (վարորդ՝ 1976 թ. ծնված Ա. Թ.) եւ «Mercedes S» մակնիշի (վարորդի ինքնությունը չի պարզվել) համարանիշների ավտոմեքենաները, ինչի հետեւանքով «Chariot» մակնիշի ավտոմեքենայի ուղեւոր 65-ամյա Մ. Հ.-ն եւ «Mercedes S» մակնիշի ավտոմեքենայի ուղեւոր 38-ամյա Կ. Մ.-ն, տարբեր աստիճանի մարմնական վնասվածքներով հոսպիտալացվել են «Սբ. Գր. Լուսավորիչ» ԲԿ, որտեղ բժիշկները վերջինիս առողջական վիճակը գնահատել են բավարար, իսկ «Chariot» մակնիշի ավտոմեքենայի ուղեւոր Մ. Հ.-ն մահացել է:
Փրկարարներն իրականացրել են տարածքի սահմանազատում, հոսանքազրկել ավտոմեքենաները եւ դադարեցրել «Chariot» մակնիշի ավտոմեքենայի գազի արտահոսքը:
