Առնվազն 40 զինվորական է զոհվել Աֆղանստանում ռազմաբազայի մոտ 2 ավտոմեքենաների պայթյունի հետեւանքով, հայտնում է Tolo News հեռուստաալիքը՝ վկայակոչելով աղբյուրին:
«Քանդահարի նահանգում երկու մահապարտ ահաբեկիչներ հարձակվել են Մեյվանդ շրջանում գտնվող ռազմաբազայի վրա՝ սպանելով 40 զինվորի»,- նշված է հեռուստաալիքի հաղորդագրության մեջ:
1TV-ն հայտնել է, որ Աֆղանստանի Պաշտպանության նախարարությունը հաստատել է հարձակման փաստը: Հարձակումն իրականացվել է չորեքշաբթի ուշ երեկոյան, փոխանցում է «ՌԻԱ Նովոստի»-ն: