Porsche գերմանական ընկերությունը ընդլայնել է միջին ծավալի շարժիչներով սպորտային մոդելների ընտանիքը, հայտնում է Lenta–ն։
718 Boxster GTS եւ 718 Cayman GTS մոդելներում տեղադրված է 2.5 լ ծավալով 4-մխոցանի շարժիչ, որը հագեցած է նոր բարեկարգված տուրբոներմղիչով, ինչը շարժիչի հզորությունը մեծացրել է մինչեւ 365 ձիաուժ։ Դա 35 ձիաուժով ավելի է, քան GTS նախորդ մոդիֆիկացիայինը։
Դիմացի լուսարձակներն ու բիքսենոնային լապտերները մգացված են, ինչպես GTS նախորդ տարբերակների մոտ։ GTS մոդելների հետնամասը տարբերվում է մուգ լուսարձակներով, բամպերի սեւ ստորին հատվածով եւ սեւ արտամղիչ խողովակներով։
