Մարտունու շրջանի Կարմիր շուկա համայնքի հին դպրոցի շենքի տեղում Արցախի ներդրումային հիմնադրամի միջոցներով բազմաբնակարան 2 շենք է կառուցվում:
«Արցախպրեսի» փոխանցմամբ, թաղամասի շինարարությունն իրականացնող «Ռաֆո» ՍՊ ընկերության տնօրեն Կարեն Ալավերդյանն ասել է, որ շինարարության առաջին փուլն արդեն սկսվել է:
«Կատարվում է հին դպրոցի քանդման, տարածքի հարթեցման աշխատանքները, որից հետո սկսելու ենք հիմքերի կառուցումը: Նախագծով նախատեսված է կառուցել քառահարկ 2 շենք՝ 3 եւ 4 սենյականոց 32 բնակարանով. նախատեսված է նաեւ նկուղային հարկ: Նոր թաղամասը կունենա կահավորված ու լուսավոր բակ, խաղահրապարակ, զբոսայգի, կանաչ գոտի եւ ավտոկայանատեղի»,- տեղեկացրել է Կ. Ալավերդյանը:
Բնակարանները նախատեսված են տրամադրել հիփոթեքային վարկավորմամբ:
Ըստ ացբյուրի, Կարմիր շուկան Արցախի ամենախոշոր ու արագ զարգացող համայնքներից է: Վերջին տարիներին համայնքում կառուցվել եւ շահագործման են հանձնվել համայնքային կենտրոն` կից մշակութային ակումբով եւ երկհարկանի դպրոց` Կ. Շուկայի եւ հարեւան Թաղավարդ համայնքների երեխաների համար: Համայնքն ապահովված է նաեւ խմելու մշտական ջրով: