Կառավարությունը հավանություն տվեց հոգեկան հիվանդների եւ մանկավարժների թոշակների վճարման կարգում կատարված փոփոխություններին: Այս մասին որոշումն ընդունվեց կառավարության հոկտեմբերի 19-ի նիստում:
Հոգեբուժական հաստատություններում բուժում ստացող անձանց համար թոշակի դիմում կարող են ներկայացնել նաեւ այլ անձինք՝ նրանց գրավոր համաձայնությամբ:
Թոշակառուին սխալմամբ գերվճարված գումարը վերադարձվում է թոշակառուի համաձայնությամբ, այլապես՝ դատարանի միջոցով:
Դրանից բացի, առաջարկվել է ընդլայնել մանկավարժական մասնագիտացումների ցանկը, որոնք մասնակի նախնական թոշակավորման իրավունք են ստանում՝ նրանք ե՛ւ մանկավարժներն են, ե՛ւ տնօրենների կազմակերպական աշխատանքների գծով տեղակալները: