Չինաստանում սկսվել է երկրի Կոմունիստական կուսակցության 19-րդ համագումարի աշխատանքային երկրորդ օրը:
Առաջին օրվա ընթացքում Չինաստանի նախագահ Սի Ցզինպինը նշել է, որ համագումարի հիմնական թեման է նպատակին հավատարիմ մնալը եւ «նոր դարաշրջանում չինական յուրահատկությամբ սոցիալիզմի մեծ հաղթանակը, չին ազգի մեծ վերածննդի մասին չինական երազանքի իրականացման համար անդուլ պայքարը»:
Սի Ցզինպինն իր ելույթում անդրադարձել է Չինաստանի ԿԿ-ի պատմական առաքելության, չինական բանակի հզորացման, արդիականացված սոցիալիստական պետության բազմակողմանի կառուցման նոր մոտեցման եւ այլ թեմաների:
Համագումարի աշխատանքին մասնակցում է 2354 մարդ՝ ներառյալ 2280 պատվիրակ եւ 74 հատուկ հրավիրյալ:
Համագումարի բացման արարողությունը լուսաբանել են չինացի եւ արտասահմանյան ավելի քան 3000 լրագրողներ: