Չնայած հոկտեմբերի 16-ին Հայաստանի եւ Ադրբեջանի նախագահների հանդիպումը բավականին խիտ էր, այնտեղ փաստաթղթի քննարկում չի եղել: Հոկտեմբերի 19-ին լրագրողների հետ հանդիպման ժամանակ այս մասին ասաց քաղտտեխնոլոգ Կարեն Քոչարյանը:
Նրա խոսքով՝ տեղի ունեցած հանդիպման ժամանակ կատարված լուսանկարներն անչափ խոսուն են:
«Բանակցային գործընթացի ռեսթարթն է տրվել: Այսինքն՝ ապրիլյան թեժացումից հետո հայկական կողմը բացարձակապես չէր ցանկանում Ադրբեջանի հետ որեւէ բանակցություն վարել: Այս մասին բարձրաձայն ասվել է»,- պարզաբանեց Քոչարյանը՝ հավելելով, որ Բաքուն, իր հերթին, պարբերաբար ագրեսիվ հայտարարություններ է կատարել:
Փորձագետը շեշտեց, որ հակամարտող կողմերին կրկին բանակցային սեղանի շուրջ բերել հաջողվեց ԵԱՀԿ Մինսկի խմբի համնախագահների ջանքերի շնորհիվ: