Ճապոնիայի հարավում 5,6 մագնիտուդով երկրաշարժ է տեղի ունեցել, «ՌԻԱ Նովոստի»-ի փոխանցմամբ՝ հայտնել է երկրի օդերեւութաբանական կենտրոնական վարչությունը:
Երկրաշարժի էպիկենտրոնը գտնվել է Օկինավա կղզուց հյուսիս-արեւելք, օջախը՝ 10 կմ խորությամբ: Ստորգետնյա ցնցումները զգացվել են Կահոսիմա պրեֆեկտուրայի կղզիներում: Ճապոնական 7-բալանոց սանդղակով դրանց առավելագույն հզորությոնը կազմել է 3 բալ:
Ցունամիի սպառնալիք չկա, նշել են օդերեւութաբանական ծառայությունից: Վնասի մասին տեղեկություններ չեն հաղորդվում: