Արարատի մարզի Այնթապի գյուղապետի մեքենայի ռուսական պետհամարանիշերը առգրավվել են: Այս մասին հայտնել է ՀՀ ոստիկանության հասարակայնության եւ լրատվության միջոցների հետ կապերի վարչության պետ Աշոտ Ահարոնյանը:
Օգտատերերից Անահիտ Հարությունյանը հարց է ուղղել Աշոտ Ահարոնյանին. «Ո՞ւմ հովանավորության ներքո է Արարատի մարզի Այնթապ համայնքի ղեկավարն իր անձնական օգտագործման մեքենան վարում ռուսական պետհամարանիշերով: Չէ՞ որ տարիներ շարունակ այդ մեքենան նա վարել է հայկական պետհամարանիշերով»:
Ի պատասխան Աշոտ Ահարոնյանը նշել է հետեւյալը. «Կատարված ուսումնասիրությունների արդյունքում՝ նշված օ369вт199рус համարանիշերով երթեւեկող «Մերսեդես» մակնիշի ավտոմոբիլը հայտնաբերվել է եւ վարորդը, փախարինված հաշվառման համարանիշերով տրանսպորտային միջոց վարելու համար, ենթարկվել է վարչական պատասխանատվության, իսկ համարանիշերը առգրավվել են՝ սահմանված կարգով ոչնչացնելու համար»:
