Նիկոլայ Կարաչենցովը, ում թոքում քաղցկեղային ուռուցք է հայտնաբերվել, իրեն նորմալ է զգում, բժիշկները դեռեւս չեն կողմնորոշվ հետագա բուժման հարցում: Այս մասին «ՌԻԱ Նովոստի»-ին ասել է դերասանի կինը՝ Լյուդմիլա Պորգինան:
«Կոլյան հիմա իրեն նորմալ է զգում, բայց նրա մոտ թոքի քաղցկեղ է հայտնաբերվել, հիմա բժիշկները թերապիա են ընտրում. պետք է պայքարենք, պետք է ապրենք»,- ասել է Պորգինան:
Նշենք, որ Կարաչենցովը նեյրովիրաբուժության բաժանմունքում հոսպիտալացվել է սեպտեմբերի 18-ին: Դերասանի որդին՝ Անդրեյ Կարաչենցովը հայտնել է, որ հայրը հիվանդանոց է տեղափոխվել հերթական զննման համար եւ այնտեղ կմնա մոտ 2 շաբաթ: Ավելի ուշ նրան դուրս էին գրել: Ըստ որում՝ հոկտեմբերի սկզբին Պորգինան ասել է, որ Կարաչենցովի թոքում քաղցկեղ են հայտնաբերել, բժիշկները պետք է տրամադրեին անալիզի արդյունքները:
Դերասան Նիկոլայ Կարաչենցովը 2005 թվականին Մոսկվայում վթարի էր ենթարկվել եւ գլխի ծանր վնասվածք ստացել, որից հետո լիովին չէր վերականգնվել եւ չէր կարողացել իր դերասանական կարիերան շարունակել «Լենկոմի» թատրոնում ու կինեմատոգրաֆում: