Մեծ Բրիտանիայի վարչապետ Թերեզա Մեյն առաջիկա շաբաթներին ԵՄ գործընկերներին «հավակնոտ պլան» կներկայացնի Brexit-ի շուրջ բանակցություններում առաջընթացի համար, հայտնում է Reuters–ը։
«Մենք կնայենք կոնկրետ առաջընթացին, որը գրանցել ենք բանակցություններում եւ հավակնոտ պլաններ կներկայացնենք առաջիկա շաբաթների ընթացքում։ Մասնավորապես, ես ուզում եմ, օրինակ, տեսնել քաղաքացիների իրավունքների մասին համաձայանգրի ստորագրում»,– ասել է Մեյը։
Նրա խոսքով՝ Բրիտանիան մտադիր է շարունակել ԵՄ–ի հետ համագործակցությունն այնպիսի ոլորտներում, ինչպիսիք են անվտանգությունն ու պաշտպանությունը։