Կատալոնիայի խնդիրը պետք է լուծել Իսպանիայի սահմանադրության հիման վրա։ Այս մասին ասել է Գերմանիայի կանցլեր Անգելա Մերկելը՝ ժամանելով Բյուսել ԵՄ գագաթնաժողովին մասնակցելու, փոխանցում է ՏԱՍՍ–ը։
«Մենք ուշադիր հետեւում ենք իրավիճակին եւ պաշտպանում ենք Իսպանիայի կառավարության դիրքորոշումը»,– ասել է կանցլերը։
«Մեզ, բնականաբար, անհանգստացնում է այդ հարցը, եւ մենք հույս ունենք, որ լուծում կգտնենք Իսպանիայի սահմանադրության հիման վրա»,– հավելել է կանցլերը։
Կատալոնիայի խնդիրը ԵՄ գագաթնաժողովի պաշտոնական օրակարգում չէ, սակայն եվրոպական աղբյուրները հայտնում են, որ հարցը կքննարկվի հետնաբեմում եւ փակ դռների հետեւում։
