Ռուսաստանը դատապարտում է Հյուսիսային Կորեայի միջուկային փորձարկումները ու կատարում է բոլոր այն որոշումները , որոնք ՄԱԿ ԱԽ-ն կայացրել է Փհենյանի նկատմամբ, հայտնել է Ռուսաստանի նախագահ Վլադիմիր Պուտինը, փոխանցում է «Ռոսիյսկայա գազետան»։
«Այո, մենք անկասկած դատապարտում ենք միջուկային փորձարկումները, որոնք ԿԺԴՀ-ն է իրականացնում»,- հայտնել է նա՝ հավելելով, որ Մոսկվան կատարում է Հյուսիսային Կորեայի վերաբերյալ ՄԱԿ ԱԽ բոլոր որոշումները։
«Ես ուզում եմ դա շեշտել, գործընկերներ, որպեսզի այստեղ ոչ մի երկակի մեկնաբանություն չլինի»,- նշել է Ռուսաստանի առաջնորդը «Վալդայ» բանավեճի ակումբի ամփոփիչ նստաշրջանում։
Պուտինը նաեւ կոչ է արել չտրվել զգացմունքներին ու «ԿԺԴՀ-ին անկյուն չքշել»։