Արարատի մարզում, հոկտեմբերի 19-ին, խոշոր ավտովթար է տեղի ունեցել. ժամը 23:30-ի սահմաններում 40-ամյա Արտյոմ Մ.-ն իր վարած KIA մակնիշի 91 UC 900 համարանիշի ավտոմեքենայով Երեւան -Երասխ ավտոճանապարհի 11-րդ կմ հատվածում՝ դեպի Արտաշատ ընթանալիս, դուրս է եկել ճանապարհի երթեւեկելի գոտուց դեպի բաժանարար ձախ գոտի եւ մխրճվել երկաթե արգելապատնեշի մեջ:
Shamshyan.com-ի փոխանցմամբ, վթարի հետեւանքով վարորդը՝ ում ավտոմեքենայից դուրս են բերվել քաղաքացիները, շտապօգնության ավտոմեքենայով տեղափոխվել է Մասիսի բժշկական կենտրոն:
Փրկարարները հոսանքազրկել են ավտոմեքենան, փակել գազաբալոնը, որից հետո քաղաքացիների օգնությամբ ավտոմեքենան ճոպանի միջոցով դուրս են բերել երկաթե արգելեպատնեշի մեջ մխրճված վիճակից, այնուհետեւ հետաքննիչի հանձնարարականով ավտոմեքենան տեղափոխվել է Ոստիկանության Մասիսի բաժնի պահպանվող հատուկ տարածք: