Հոկտեմբերի 20-ի առավոտյան փեշմարգայի ուժերի եւ շիական աշխարհազորային «Հաշդ ալ Շաաբի» օժանդակությունը վայելող Իրաքի բանակի միջեւ բախումներ են տեղի ունեցել Էրբիլն ու Քիրքուքը իրար կապող Ալթուն Քուբրու ճանապարհի վրա, փոխանցում է Rudaw–ը։
Փեշմարգայի հրամանատարի խոսքով՝ Իրաքի բանակն ու Հաշդ ալ Շաաբին բախումներ են նախաձեռնել տեղական ժամանակով ժամը 08։00–ին՝ փեշմարգայի դիրքերի մոտակայքում ռազմական կուտակումներ նկատելուց հետո։ Նա նշել է, որ «Հաշդ ալ Շաաբիի» աշխարհազորայինները ամերիկյան զենք են օգտագործել, տանկեր, «Միլան» հակատանկային հրթիռային համակարգեր, ականանետեր ե հրետանի։
Հեռուստաալիքի տեղեկություններով՝ ինտենսիվ կրակահերթից հետո փեշմարգան կարողացել է հաղթանակ տանել։