Քալիֆորնիայում անտառային հրդեհների պատճառած վնասը կազմել է 1, 045 մլրդ դոլար, հայտնել է «ՌԻԱ Նովոստի»–ն՝ հղում անելով նահանգի ապահովագրության գծով հանձնակատար Դեյվ Ջոնսին։
Ուժգին հրդեհները հոկտեմբերի սկզբին Քալիֆորնիայի մի քանի շրջաններ էին պատուհասել։ Ավելի քան 100 հազար մարդ է տարհանվել վտանգի գոտուց։ Հայտնվում էր, որ հրդեհի ճարակ դարձած տարածքը ավելի մեծ է, քան ամբողջ Նյու Յորքը։
Նախորդ շաբաթ իշխանությունները հայտարարել են, որ հրդեհի դեմ պայքարի արդյունքում արդեն որոշ շրջաններում տարհանվածները կարող են վերադառնալ իրենց տները։
Ապահովագրություն ընկերությունների տվյալներով, ավելի քան 5 հազար տուն ամբողջությամբ ավերվել է, 4 հազարը՝ մասամբ։ Ոչնչացել են նաեւ 3 հազար ավտոմեքենա։
Դեյվ Ջոնսը հայտնել է նաեւ Քալիֆորնիայում մոլեգնած հրդեհների հետեւանքով զոհվել է 42 մարդ։