Ժիրայր Սեֆիլյանի եւ մյուսների գործով ամբաստանյալ Ներսես Պողոսյանը խախտել է ներքին կանոնադրությունը: Այս մասին NEWS.am-ին հայտնեցին Արդարադատության նախարարության քրեակատարողական վարչության հանրային կապերի բաժնից՝ անդրադառնալով կալանավորի՝ պատժախուց տեղափոխվելու վերաբերյալ պաշտպանի հայտարարությանը:
«Ներսես Պողոսյանի խցից հանվել է ներքնակը»,- ասացին հանրային կապերի բաժնից:
Նշենք, որ Արայիկ Պապիկյանն ավելի վաղ դատարանում լրագրողներին ասել էր, որ իր պաշտպանյալ Ներսես Պողոսյանի մոտ արգելված իր է հայտնաբերվել, ինչի պատճառով տեղափոխվել է պատժախուց: Թե ինչ արգելված իրի մասին է խոսքը, պաշտպանը չէր մանրամասնել: ՔԿՎ-ից նույնպես այդ մասին ոչինչ չասացին:
Հիշեցնենք, որ Ներսես Պողոսյանը հացադուլ է հայտարարել եւ պահանջում է փոխել խափանման միջոց կալանավորումը: Նա արդեն 22 օր է՝ հացադուլի մեջ է:
