Իրանը շարունակում է աջակցել իր միջուկային ծրագրի գործողությունների համատեղ եւ համապարփակ պլանին։ Այդ մասին հոկտեմբերի 20-ին հայտարարել է Իրանի փոխարտգործնախարար Աբաս Արաղչին, հաղորդում է «ՌԻԱ Նովոստի»–ն։
«Մենք առաջինը դուրս չենք գա գործարքից, բայց կարձագանքենք նրան, թե գործարքի մյուս մասնակիցներն ինչ կարող են անել։ Մենք շարունակում ենք հավատարիմ մնալ գործարքին եւ այդ շրջանակներում մեր պարտականություններին։ Եվ մենք առաջինը չենք խախտի գործարքը, բայց կհակազդենք, եթե որեւէ մեկը խախտի այն»,- ասել է Արակչին սպառազինության չտարածման մասին մոսկովյան գիտաժողովում։