Ռուսաստանը հնարավոր չի համարում Իրանի նկատմամբ ՄԱԿ Անվտանգության խորհրդի պատժամիջոցների վերականգնումը։ Այս մասին հոկտեմբերի 20-ին ասել է ՌԴ ԱԳ նախարար Սերգեյ Լավրովը, փոխանցում է ՏԱՍՍ–ը։
Մոսկվայում սպառազինությունների չտարածմանը նվիրված գիտաժողովի ժամանակ ելույթ ունենալիս Լավրովն ասել է, որ Ռուսաստանը հնարավոր չի համարում Իրանի նկատմամբ ՄԱԿ ԱԽ պատժամիջոցների վերականգնումը, որոնք գործում էին նախքան Գործողությունների համատեղ համապարփակ պլանը։
«Վերադառնալ այն իրավիճակին, որը գործում էր նախքան Գործողությունների համատեղ, համապարփակ պլանը ստորագրելը, անհնար է»,– ասել է Լավրովը եւ հավելել, որ ՄԱԿ ԱԽ պատժամիջոցների վերականգնման մասին խոսք լինել չի կարող։