Աշխատավարձերը չեն բարձրանում, որին զուգահեռ գնաճ կա, վիճակը վատանում է: Այս մասին այսօր՝ հոկտեմբերի 20-ին, Ազգային ժողովի առողջապահության եւ սոցիալական հարցերի հանձնաժողովի նիստում հայտարարել է «Ծառուկյսն» դաշինքի պատգամավոր, ԱԺ փոխխոսնակ Միքայել Մելքումյանը:
«Բյուջեին քաղաքական գնահատականը բացասական է, չի կարող պոզիտիվ լինել: Եթե տվյալ երկրում 2015 թվականից սկսած թոշակ աշխատավարձ չի բարձրանում, բնականաբար քաղաքական գնահատականը պետք է լինի բացասական: Մարդը հստակ առաջընթաց է ուզում՝իր եկամուտը աճում է, թե ոչ: Եթե սրան գումարենք նաեւ էն գնաճը ինչ որ կա, բնականաբար վիճակը վատանում է»,-հայտարարեց Մելքումյանը:
Անդրադառնալուվ երիտասարդների գործազրկությանը՝ նա ասաց. «Եվրոպայում էլ կա երիտսսարդական գործազրկություն, սակայն Եվրոպայում եւ Միացյալ Նահանգներում կան աշխատատեղեր, բայց աշխատանք փնտրող չկա: Այսինքն՝ մարդն ունի կրթություն եւ սոցիալական համակարգը էնպիսին է,
որ բավարարվում է սոցիալական համակարգի մեջ տեղավորվելով ու փող չծախսելով: Իսկ մեզ մոտ աշխատատեղ չկա: Ես կխնդրեի, որ աշխատանքի եւ սոցիալական հարցերի նախարարի նախաձեռնությամբ միջգեչատեսչական ծրագրեր իրականացվեն ու լուծումներ տրվեն, որ աշխատատեղերի ձեւավորման կանխատեսումը դրվի նաեւ այդ նախարարության ծրագրերի մեջ»,- ասել է Միքայել Մելքումյանը: