Ժիրայր Սեֆիլյանի եւ մյուսների գործով դատական նիստին այսօր` հոկտեմբերի 20-ին, երեք փաստաբանների նկատմամբ դատարանը սանկցիա կիրառեց: Տաթեւիկ Գրիգորյանը վերադառնալով խորհրդակցական սենյակից` հայտարարեց, որ փաստաբաններ Արայիկ Պապիկյանի, Տիգրան Հայրապետյանի եւ Նինա Կարապետյանցի նկատմամբ դատական սանկցիա է կիրառվում. դատարանը կդիմի ՓՊ` նրանց պատասխանատվության ենթարկելու պահանջով:
Նիստը նախագահող դատավոր Տաթեւիկ Գրիգորյանը հայտարարեց, որ դատարանը կդիմի Հանրային պաշտանի գրասենյակ Ժիրայր Սեֆիլյանին պաշտպանով ապահովելու համար` ասելով, որ նրա պաշտպանները անհարգալից վերաբերմունք են դրսեւորում դատարանի նկատմամբ, իրենց իրավունքներից եւ պարտականություններից բարեխղճորեն չեն օգտվում:
Դատական նիստը հետաձգվեց, հաջորդ նիստը տեղի կունենա հոկտեմբերի 27-ին:
Ժիրայր Սեֆիլյանին մեղադրանք է առաջադրվել մի խումբ անձանց հետ նախնական համաձայնությամբ, 24.04.2015 թվականին Երեւան քաղաքում բռնություն գործադրելով, գույք ոչնչացնելով եւ վնասելով, ինչպես նաեւ իշխանության ներկայացուցչին զինված դիմադրություն ցույց տալով արտահայտված, հասարակական անվտանգությունը վտանգող զանգվածային անկարգություններ հրահրելու ուղղակի դիտավորությամբ, 2014 թվականի մայիսից դրա կազմակերպմանն ուղղված նախապատրաստական գործողություններ կատարելու համար:
