News
Լրահոս
News
Կիրակի
Հունվար 20
Տեսնել լրահոսը

Առայժմ Հայաստանի համար ռուսական գազը ամենից էժանն է։ Հոկտեմբերի 20-ին կայացած մամուլի ասուլիսի ժամանակ այս մասին ասաց էներգետիկ ենթակառուցվածքների եւ բնական պաշարների նախարար Աշոտ Մանուկյանը:

Նա նշեց, որ իրանական կողմը դեռեւս ավելի ձեռնտու գազ չի առաջարկում, քան հիմա՝ էլեկտրաէներգիայի դիմաց գազ մատակարարելով:

Հայաստանն այս սխեմայով Իրանից գազ է ստանում Երեւանի ՋԷԿ-ի համար, դրանից ստանում է 4 ԿՎտժ էլեկտրաէներգիա, որից 3-ը տալիս է Իրանին, մնացածը փոխանցվում է Հայաստանի էներգահամակարգ:

Վերջերս Իրանի առաջին փոխնախագահ Էսհան Ջազանհիրիի հրավերով Իրանում էր վարչապետ Կարեն Կարապետյանը: Այցի շրջանակում Մանուկյանը հանդիպել է Իրանի նավթարդյունաբերության նախարար Բիժան Զանգանեի հետ (2 նախարարները հայ-իրանական միջկառավարական հանձնաժողովի համանախագահներն են): Գործընկերները քննարկել են գազամատակարարման նոր հնարավորությունները:

«Համաձայնվեցինք, որ Իրանը չի կարող ավելի էժան գազ մատակարարել, քան հիմա (կիլովատտը փողի փոխարկելով): Իրանի հետ ներկայիս սխեման հնարավոր սխեմաներից ամենաարդյունավետն է: Եվ շուտով այն հայ-իրանական գազատարն ամբողջությամբ կլցնի»,- նշեց Մանուկյանը:

Նրա պարզաբանմամբ՝ 2 տարի հետո պատրաստ կլինի Հայաստան-Իրան էլեկտրահաղորդման 3-րդ բարձրավոլտ՝ 400 կՎտ գիծը, որի շնորհիվ Հայաստանը կկարողանա իրանական գազից ավելի շատ էլեկտրաէներգիա ստանալ՝ այնքան, որ ներկայիս 700-միլիմետրանոց խողովակաշարը լրիվ կլցվի: «Եթե մեզ ավելի ձեռնտու գազ առաջարկեն ոչ թե ՋԷԿ-ի, այլ ամբողջ շուկայի համար, ապա մենք պատրաստ ենք այն քննարկել: Սակայն այդ ժամանակ ստիպված կլինենք բարտերը կրճատել: Այլապես, ինչպես ասացի, խողովակում պարզապես տեղ չի լինի»,- հավելեց նա:

Իսկ եթե իրանական գազը ռուսականի հետ համեմատենք, որն ապահովում է Հայաստանի մնացյալ ամբողջ շուկան, ապա ռուսականն ավելի ձեռնտու է, եթե հաշվի առնենք ե՛ւ գինը, ե՛ւ ջերմատվությունը: Որպես կանոն, այն ռուսական գազի դեպքում ավելի բարձր է, հավելեց նախարարը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վրաստանը եւ «Գազպրոմը» երկու շաբաթվա ընթացքում կպայմանավորվեն Հայաստան գազի տարանցման շուրջ
Արդյունքները կհրապարակվեն նոր պայմանների քննարկումից հետո...
«Իմ քայլը». Աշխատակիցների հնարավոր կրճատումը «Գազպրոմ Արմենիա» ընկերության գործն ու իրավունքն է
«Գազպրոմ Արմենիայի» եւ իշխանությունների միջեւ բանակցությունները շարունակվում են...
ԵՏՄ վարչապետները փետրվարի 1-ին կքննարկեն միությունում գազի փոխադրման գնագոյացումը
Այս հարցը փետրվարի 1-ին կքննարկվի վարչապետների մակարդակով․․․
ԳԴՀ էկոնոմիկայի նախարարը պատասխանել է «Հյուսիսային հոսք-2»-ի առիթով ԱՄՆ-ի քննադատությանը
Գերմանիայի էկոնոմիկայի նախարար Պետեր Ալթմայերը հանգիստ է արձագանքել ․․․
Վրաստանը չի հրաժարվի Հայաստան ռուսական գազի տարանցումից
Վրաստանը չի պատրաստվում հրաժարվել տրանզիտային գործառույթներից․․․
Շուտով կտրվի Երեւանում նոր ՋԷԿ-ի շինարարության մեկնարկը. «Ռենկո»-ի գլխավոր գործադիր տնօրեն
Նախարարի պաշտոնակատարն ընդունել է «Ռենկո» ընկերության գլխավոր գործադիր տնօրենին...
Ամենաշատ
Ֆոտոռեպորտաժներ