Բրյուսելը չի սպասում Ռուսաստանի հետ բանակցությունների համար արագ մանդատի։ Դրա մասին հոկտեմբերի 20-ին հայտարարել է Եվրահանձնաժողովի նախագահ Ժան Կլոդ Յունկերը, հաղորդում է DW-ն։
Եվրահանձնաժողովի նախագահը Բրյուսելում կայացած ԵՄ գագաթնաժողովի շրջանակներում մեկնաբանել է, որ ԵՄ անդամ երկրները բավարար ցանկություն չունեն Մոսկվայի հետ քննարկելու «Հյուսիսային հոսք-2» նոր գազատարի շահագործման պայմանները։
«Ես չեմ կարծում, որ մենք այդ հարցով միաբան կլինենք առաջիկա ամիսներին»,-հայտարարել է Յունկերը։
Ընդ որում, Եվրահանձնաժողովի ղեկավարը նշել է. որ շատ երկրներ են հանդես գալիս Ռուսաստանի՝ էներգետիկայի ոլորտում «ահաբեկելու մարտավարության» հարցով ԵՄ մակարդակով միջամտելու օգտին։