Հոկտեմբերի 18-ին ոստիկանության Սպիտակի բաժնի ծառայողները հետախուզական միջոցառումների արդյունքում պարզել են, որ Շիրակամուտ գյուղի բնակիչ Վյաչեսլավ Ո.-ն գյուղի մերձակա անտառից առանց թույլտվության սոճիներ է կտրել։
Նա կասկածանքով բերման է ենթարկվել բաժին եւ խոստովանական բացատրություն տվել։ Ոսկանյանի տան զննությամբ հայտնաբերվել են մի քանի խորանարդ մետր կտրված ծառեր, իսկ դեպքի վայրի զննությամբ՝ 24 ծառերի տարբեր տրամաչափի կոճղեր։
Վյաչեսլավ Ո.-ն ոստիկանությանը հայտնել է, որ դրանք իր կտրած ծառերի կոճղերն են։ Դեպքի այլ հանգամանքները հետաքննությամբ պարզվում են։