Եվրամիությունը հավատարիմ է մնում Իրանի միջուկային ծրագրի Գործողությունների համատեղ համապարփակ պլանին, որի շուրջ համաձայնության էին եկել 2015 թվականին։ Այս մասին հոկտեմբերի 20-ին ասել է Ֆրանսիայի նախագահ Էմանուել Մակրոնը, փոխանցում է ՏԱՍՍ–ը։
«Եվրոպայի խորհուրդը հաստատել է, որ բոլոր եվրոպացիները հավատարիմ են Իրանի միջուկային գործարքին եւ դրա իրականացմանը»,– ասել է նա՝ ելույթ ունենալով Բրյուսելում ԵՄ գագաթնաժողովի ամփոփ մամուլի ասուլիսի ժամանակ։