Եվրամիությունը չի ձգտում Թուրքիայի հետ հարաբերությունների վերջնական խզման, սակայն այս փուլում Անկարայի հետ «խիստ եւ պահանջկոտ երկխոսության» անհրաժեշտություն է տեսնում: Հոկտեմբերի 20-ին այս մասին հայտարարել է Ֆրանսիայի նախագահ Էմանուել Մակրոնը, փոխանցում է ՏԱՍՍ-ը:
«Մենք Թուրքիայի հարցով չափազանց հագեցած բանավեճեր ունեցանք: Մենք համաձայնվել ենք, որ միաժամանակ պետք է խուսափենք Անկարայի հետ խզումից եւ պահպանենք շատ խիստ ու պահանջկոտ երկխոսություն»,- Բրյուսելում ԵՄ գագաթնաժողովի արդյունքներով մամուլի ասուլիսոմ ասել է Մակրոնը:
Նա նաեւ նշել է, որ Եվրոպան մտադիր է թուրքական կողմի նկատմամբ իր վերաբերմունքը շտկել՝ հաշվի առնելով այս երկրի ներքաղաքական իրադրությունում փոփոխությունները:
Նրա խոսքով՝ Անկարայի հետ երկխոսության շտկման հարցով շուտով պետք է զբաղվի Եվրոպական հանձնաժողովը: «Դրա հետ մեկտեղ ակնհայտ է, որ այս հարաբերությունները չափազանց կարեւոր են մնում, քանի որ մենք գործ ունենք ընդհանուր մարտահրավերների հետ, դա հատկապես վերաբերում է միգրացիոն հոսքերի կառավարմանը եւ ահաբեկչության դեմ պայքարին»,- նշել է Ֆրանսիայի նախագահը: