Երեւանի քաղաքապետարանի «Թիվ 17-րդ պոլիկլինիկայից» 2006-2009թ. ընթացքում խարդախությամբ 3.951.900 ՀՀ դրամ գումար հափշտակելու մեջ մեղադրվող Գագիկ Սահակյանի համար մեղադրողը ազատազրկում է պահանջում: Մեղադրող Գ. Սարգսյանը վերաքննիչ բողոքով պահանջում է բեկանել Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավճիռը եւ Գագիկ Սահակյանի նկատմամբ ընտրված խափանման միջոցը՝ ստորագրությունը չհեռանալու մասին փոխարինել ազատազրկմամբ :
Նույն գործով մեղադրվում է նաեւ պոլիկլինիկայի նախկին հաշվապահ Ասպրամ Եղիազարյանը՝պոլիկլինիկայից 21.911.000 ՀՀ դրամ գումար հափշտակելու մեջ եւ դատապարտվել է 5 տարվա ազատազրկման: Նրա շահերի պաշտպան Գարիկ Գալիկյանը Վերաքննիչ բողոք է բերել եւ պահանջում է բեկանել Առաջին ատյանի դատարանի դատավճիռն ու իր պաշտպանյալին ազատ արձակել:
Հոկտեմբերի 18-ին պետք է տեղի ունենար բողոքի քննությունը, սկայն, դատախազի բացակայության պատճառով այն հետաձգվեց: Փաստաբան Գարիկ Գալիկյանը հայտարարեց, որ դիտավորություն է տեսնում մեղադրողի չներկայանալու մեջ, որպեսզի իր պաշտպանյալը ավելի շատ մնա կալանքի տակ:
Ասպրամ Եղիազարյանն ընդունել է իրեն առաջադրված մեղադրանքը, նրան մեղադրանք է առաջադրվել ՔՕ 179 հոդվածի 3-րդ մասի 1-ին կետով՝ Յուրացնելը կամ վատնելը:
Ասպրամ Եղիազարյանը մեղադրվում է Երեւանի քաղաքապետարանի «Թիվ 17-րդ պոլիկլինիկայում» 2006-2009թ որպես գլխավոր հաշվապահ է աշխատել, խարդախությամբ հափշտակել է առանձնապես խոշոր չափերի ընդհանուր 21.911.000 ՀՀ դրամ գումար` «Թիվ 17-րդ պոլիկլինիկա» ԱՊՓԲ ընկերությունը պատճառելով առանձնապես խոշոր չափերի գույքային վնաս, բացի այդ, օժանդակել է նույն ընկերության տնօրեն Գագիկ Սահակյանին առանձնապես խոշոր չափերի` ընդհանուր 3.951.900 ՀՀ դրամ յուրացում կատարելուն, որի հետեւանքով ընկերությանը պատճառվել է առանձնապես խոշոր չափերի գույքային վնաս:
Գագիկ Սահակյանին մեղադրանք է առաջադրվել այն բանի համար, որ նա Երեւանի քաղաքապետարանի «Թիվ 17-րդ պոլիկլինիկա» ԱՊՓԲ ընկերության տնօրեն, 2006թ. ապրիլ-հոկտեմբեր ամիսների ընթացքում յուրացրել է առանձնապես խոշոր չափերի ընդհանուր 3.951.900 ՀՀ դրամ գումար` ընկերությանը պատճառելով առանձնապես խոշոր չափերի գույքային վնաս: Նա ստորագրությամբ ազատ է արձակվել: