Վարչապետ Գեորգի Կվիրիկաշվիլին ու նախագահ Գեորգի Մարգվելաշիվիլին Վրաստանում անցկացվող ՏԻՄ ընտրությունների առաջին քվեարկողներից են եղել ։

ՌԻԱ Նովոստիի փոխանցմամբ՝ Գեորգի Կվիրիկաշվիլին հայտնել է, որ «իր ձայնը տվել է Թբիլիսիին, որտեղ բոլորը ուրախ կապրեն, որտեղ կան կանաչ գոտիներ, որպեսզի մեր բնակչությունը կարողանա ազատ շնչել, որտեղ կրթական համակարգը կանոնակարգված է ու որտեղ կա բարձր տնտեսական դիմանիկա։ Ես ձայնը տվել եմ ավելի լավ Թբիլիսիի»։

Նախագահը նշել է, որ տրամադրված երեք քվեաթերթիկներում նա ընտրել է երեք տարբեր սուբյեկտ, այլ ոչ թե մեկ թիմի ներկայացուցիչների։ «Այդպիսին է եղել իմ ընտրությունը»,- շեշտել է Մարգվելաշվիլին։

Երկրի քաղաքացիները պետք է ընտրեն քաղաքների ու շրջանների 64 քաղաքապետերի, նաեւ 64 տեղական օրենսդրական մարմինների (սակրեբուլո) պատգամավորների։ Ընդամենը երկրում բացվել է ավելի քան 3․3 հազար ընտրատեղամաս։

Թբիլիսիի քաղաքապետի պաշտոնին հավակնում է 13 թեկնածու։