Հայաստանը Եվրասիական ինտեգրման գործընթացի եւ Եվրասիական տնտեսական միության մաս է կազմում:
Այս մասին հոկտեմբերի 21-ին մամուլի ասուլիսի ժամանակ հայտարարել է Ռուսաստանի Գիտությունների ակադեմիայի Արեւելագիտության ինստիտուտի Կենտրոնական Ասիայի եւ Կովկասի հետազոտությունների կենտրոնի գիտական աշխատող Անդրեյ Արեշեւը:
«Եվրամիության եւ Հայաստանի գործընկերության մասին նոր համաձայնագրից առաջացած վիճելի հարցերը, առնվազն տնտեսական հատվածում, լուծվել են», - ասել է Արեշեւը` հավելելով, որ այնտեղ որոշ հետաքրքիր թեմաներ են մնացել՝ կապված Հայաստանի ԱԷԿ-ի ենթադրյալ փակման հետ :
Ընդհանուր առմամբ, ըստ փորձագետի, բազմավեկտոր արտաքին քաղաքականության գործընթացը չի կարող իրականացվել առանց հաշվի առնելու որոշ արտաքին գերակայություններ, եւ այդ գերակայությունները, նրա խոսքով, ընտրվել են:
Արեշեւը նշել է, որ Երեւանի բազմավեկտոր արտաքին քաղաքականության գործընթացի զգալի մասը կապված է Ռուսաստանի հետ:
«Դա իհարկե կապված է անվտանգության ոլորտում երկրու երկրների փոխհամագործակցությամբ: Մենք գիտենք, որ դա ունի բավական դիվերսիֆիկացված եւ բազմապլանային բնույթ: Դա եւ հայ-ռուսական համատեղ զորքերի խմբավորումն է եւ´ հակաօդային պաշտպանության միասնական համակարգն է եւ´ պաշտպանական վարկերը»,- ասել է նա՝ հավելելով, որ վերջերս Հայաստանին Մոսկվայի կողմից նորից 100 մլն դոլարի չափով ռազման վարկ է տրամադրվել:
