Իսպանիայի կառավարությունը արտահերթ նիստի ժամանակ միջոցներ է մշակել կատալոնական ճգնաժամը հաղթահարելու համար։
«ՌԻԱ Նովոստի»-ի փոխանցմամբ՝ դրանցից մեկը կլինի ինքնավարության ժեներալիտետի ղեկավարին, նրա տեղակալին եւ խորհրդականներին պաշտոնից ազատելը, 6 ամսվա ընթացքում տարածաշրջանային խորհրդարանի արտահերթ ընտրություններ անցկացնելը։ Այս միջոցները պետք է հաստատի Իսպանիայի Սենատը։
Մամուլի ասուլիսի ժամանակ Իսպանիայի վարչապետ Մարիանո Ռախոյը պարզաբանել է, որ չի կասեցվում ո՛չ ինքնավարությունը, ո՛չ Կատալոնիայի ինքնիշխանությունը, պարզապես իշխանությունից հեռացվում են մարդիկ, որոնք այդ ինքնիշխանությունը օրենքի, սահմանադրության եւ Կատալոնիայի կարգավիճակի սահմաններից դուրս են բերել։ Իսպանիայի կառավարության նախարարներն իրենց վրա կվերցնեն Կատալոնիայի կառավարության անդամների գործառույթներն այնքան ժամանակ, քանի դեռ շարունակվում է արտակարգ դրությունը։ Կատալոնիայի խորհրդարանը դեռեւս չի ցրվի, սական գործառույթները կսահմանափակվեն։